फेसबुक संस्थापक मार्क जुकरबर्ग ले दिएका छन - सफल हुने सुत्र

सामाजिक सञ्जाल फेसबुकका संस्थापक मार्क जुकरबर्ग संसारका युवाहरुकाे लागि प्रेरणाकाे श्राेत हुन । अधिकांस युवायुवतीले अाफ्नाे पढाई सकेर जागिर खाेज्ने समयमा संसारका कान्छा धनीमध्ये एक बनेका छन । २३ वर्षमा कलेज छाडेका जुकरबर्गको सम्पत्ति ३७ बिलियन डलरभन्दा धेरै भएको फोब्र्स पत्रिकाले सार्वजनिक गरेको थियो । ३१ वर्षीय जुगरबर्गले सफलताका लागि दिएका टिप्स यस्ता छन :

• अात्मविश्वास र दृढता :

सबैभन्दा महत्वपूर्ण आत्मविश्वास र दृढता हो । युवाअवस्थामा हामीले बारम्बार सुन्नुपर्छ– तपाईंसँग अनुभव छैन । हामीलाई पनि महसुस हुन्छ, हामीभन्दा अनुभव भएका मानिस धेरै छन् । तर, सबैसँग सुरुमै अनुभव हुँदैन । मैले फेसबुक बनाउन सुरु गरेको १९ वर्षको हुँदा हो । त्यतिवेला मलाई केही थाहा थिएन ।

• ​स्वयं प्रति विश्वास गर्नुहाेस :

आफ्नो अवमूल्यन नगर्नुहोस् । आफूले गरेको कामलाई कहिल्यै सानो नसोच्नुहोस् । संसारका सबै मानिस फरक छन्, उनीहरूका चाहना फरक छन् । सबैका धारणा फरक छन्, सबैले विश्वका लागि नयाँनयाँ आविष्कार गर्न सक्छन् । आफ्नो कामलाई ‘युनिक’ सोचेर अगाडि बढ्नुहोस् ।

• कर्ममा ध्यान दिनुहाेस :

मानिसहरू तपाईं के भन्नुहुन्छ भन्ने कुरालाई त्यति धेरै ध्यान दिँदैनन् । तपाईं के गर्दै हुनुहुन्छ भन्ने कुरालाई ध्यान दिन्छन् । तपाईंले बनाउने कुरामा उनीहरूको चासो हुन्छ । त्यसैले, केही कुरा बनाउनतिर लाग्नुहोस्, भन्नेतिर होइन ।

• अाफ्नाे काम स्वयंकाे लागि महत्वपुर्ण हाेस :

आफूलाई प्रश्न सोध्नुहोस्– के म त्यो गरिरहेको छु, जुन आफ्ना लागि सबैभन्दा महत्वपूर्ण हो रु आफूलाई नै आफ्नो कामको महत्व थाहा छैन वा त्यो काम महत्वपूर्ण लागिरहेको छैन भने त्यो काम सफल पनि हुनै सक्दैन । आफूलाई सन्तुष्ट बनाउने काम गर्नुहोस् ।

• साेचाई र गराई एउटै हाेस :

छिटो दौडिनुहोस् । छिटो काम गर्ने सोच बनाउनुहोस् । जबसम्म तपाईं छिटो दौडिनुहुन्न र काम गर्नुहुन्न, तपाईंले गरेको कामको कुनै महत्व नै हुँदैन । समयमै काम गर्नुहोस् । अन्यथा त्यसले समस्यामा पार्न सक्छ ।

• स्वयंलाई चुनाैती दिनुहाेस :

चुनौतीहरूको सामना गर्न नडराउनुहोस् । विश्व बदलिँदो छ । बदलिइरहेको विश्वमा चुनौती भएनन् भने सफलताको त्यो बिन्दुमा पुग्न सकिँदैन जहाँ तपाईं आफूलाई देख्न चाहनुहुन्छ ।

• प्रतिबद्धता गर्नुहाेस :

प्रतिबद्धताहरू बनाउनुहोस् । ती प्रतिबद्धता पूरा गरेरै छाड्नुहोस् । यसले तपाईंलाई सफल बनाउन सहयोग गर्नेछ ।

• विशेष कामकाे लागि विशेष ठाउँकाे जरुरत पर्दैन :

काम गर्न यो र त्यो ठाउँ नभन्नुहोस् । जहाँ बसेर काम गर्दा सजिलो हुन्छ, त्यहीँ काम गर्नुहोस् । मैले फेसबुकबारे सोचेको एउटा सानो कोठामा हो । त्यहाँ सामानहरू यत्रतत्र छरिएका थिए । मलाई त्यही ठाउँमा काम गर्दा आनन्द आउँथ्यो । जहाँ बसेर काम गर्दा आनन्द आउँछ, त्यहीँ काम गर्नुहोस् ।